أنا عندي تفكير زائد ومستمر ومأثر على حياتي وراحتي بقالي فتره حسه اني هموت وعماله اربط اي حاجه بتحصل في يومي بالموت لحد ما الفكره دي بتاثر جامد علي يومي وحياتي

أجاب عنه

A. Aasha Elbahrawy

اخصائي نفسي اكليكني

اللي بتوصفيه مفهوم، وخصوصًا لما فكرة الموت تبدأ تتكرر بشكل مستمر، العقل بيبدأ يراقب كل حاجة بتحصل حواليه ويدور لها على معنى مرتبط بالخطر أو الموت، حتى لو مفيش علاقة حقيقية بينهم. المهم هنا إننا مش هنحاول كل مرة نثبت لنفسنا إن "مفيش حاجة هتحصل"؛ لأن ده ممكن يخلّي العقل يطلب طمأنة أكتر وكل ما ييجي التفكير ترجعي تدوري على دليل يطمنك. هنشتغل على حاجة مختلفة: لما الفكرة تيجي، لاحظيها وقولي لنفسك: "دي فكرة خوف، مش حقيقة ولا تنبؤ بالمستقبل." وبعدها ما تدخليش معاها في نقاش طويل، ولا تحاولي تفسري كل حدث حصل في يومك على إنه علامة. سيبي الفكرة موجودة وارجعي للحاجة اللي كنتِ بتعمليها. وممكن خلال الأيام الجاية تسجلي كل مرة الفكرة تظهر: إيه اللي حصل قبلها؟ إيه الفكرة اللي جت في دماغك؟ إيه الإحساس اللي حصل؟ إيه اللي عملتيه بعدها؟ ده هيساعدنا نفهم الدائرة اللي بتحصل معاكِ ونشتغل عليها بشكل عملي بدل ما نقضي وقتنا في محاولة التخلص من الفكرة نفسها. لان هي دائره مقفله الفكره بيتجي وراها المشاعر وبعدها السلوك وغالبا هنحتاج جلسات علشان نشتغل علي التعامل مع الفكره دي

أجاب عنه

Tuka Zakaria

Psychologist | CBT-Based Counseling | Adults & Adolescents

حاسة بيكِ وبحجم التعب والإرهاق اللي بتمرّي بيه.. ❤️ الربط المستمر بين أحداث اليوم وفكرة الموت ممكن يكون مرتبط بزيادة القلق والتوتر، وده فعلًا ممكن يسبب استنزاف نفسي وجسدي كبير ويأثر على حياتك وراحتك. أنتِ تستاهلي ترتاحي وتعيشي بسلام، وعلشان توصلي لكده ممكن تساعدك جدًا جلسات الدعم النفسي مع أخصائي/ة نفسي/ة، بحيث تلاقي مساحة آمنة تفهمي فيها مصدر القلق والأفكار دي، وتتعلمي أدوات عملية تساعدك تقللي من سيطرتها على يومك. ما تتردديش تطلبي المساعدة المتخصصة، لأن طلب الدعم خطوة مهمة لاسترجاع هدوئك وراحتك. ألف سلامة عليكِ ❤️