اضطراب الشخصية التجنبية

تخيل إن أكتر حاجة محتاجها في حياتك .. هي نفسها أكتر حاجة بتخاف منها. #اضطراب_الشخصية_التجنبية مش مجرد خجل، ومش مجرد انطواء. هو خوف عميق ومستمر من الرفض ، أو الانتقاد ، أو الإحراج ، لدرجة إن الشخص يبدأ ينسحب من العلاقات والمواقف الاجتماعية ، رغم احتياجه الشديد ليها. الشخص التجنبي غالبًا نفسه يكون صداقات ، يدخل علاقات ، يعبر عن رأيه ، ويشعر إنه جزء من الناس. لكن داخله صوت بيقول: "لو قربت .. هترفض" "لو اتكلمت .. ممكن أتعرض للسخرية" "لو جربت ..ممكن أفشل" #الأعراض: • حساسية مفرطة للنقد. • تجنب المواقف الاجتماعية الجديدة. • الشعور الدائم بعدم الكفاية. • الخوف من التقييم السلبي. • صعوبة تكوين علاقات رغم الرغبة فيها. • تجنب المخاطرة أو التجارب الجديدة. • انخفاض الثقة بالنفس. • الإحساس المستمر بأنه أقل من الآخرين. ومع الوقت .. الخوف بيكبر. والعزلة بتزيد. والوحدة بتتحول لأسلوب حياة. #العلاج ومن أكثر العلاجات فعالية: ✔ العلاج المعرفي السلوكي CBT للتعامل مع الأفكار المرتبطة بالخوف من الرفض. ✔ العلاج بالمخططات Schema Therapy لفهم الجذور العميقة للشعور بعدم الاستحقاق وعدم القبول. ✔ التعرض التدريجي للمواقف الاجتماعية بخطوات آمنة ومدروسة تساعد الشخص يستعيد ثقته بنفسه. اضطراب الشخصية التجنبية مش ضعف شخصية ، ومش اختيار ، لكنه معاناة حقيقية تجعل الإنسان يدفع ثمن خوفه بالوحدة ، رغم احتياجه الشديد للقرب والانتماء. والتعافي يبدأ من إدراك إن الخوف من الرفض .. لا يعني أنك غير جدير بالقبول أو الحب. #DrNaglaa_Abdelaziz #Psychotherapist

كتبها Dr.Naglaa Abdelaziz

لو الكلام ده وصف حاجة بتعرفها، أول خمس عشرة دقيقة معه تعارف مجاني — تتكلم، وتقرر بعدها.

اقرأ ملفهأو شوف كل اللي عندهم تعارف مجاني