تفكير زايد وتصور احداث ومواقف مش موجوده ف الواقع كل حركه ف حياتي بعمل ليها حوار ف دماغي دماغي مبتفصلش 25 سنه وحاسه ان منجحتش ف حاجه ولا حققت حاجه شغل مبكملش فيه الناس اذتني وانا كنت بحبهم اوي دراسه خلصتها بالعافيه حاسه بالوحده وحاسه محدش فاهمني ولا ليا صحاب اوي طول الوقت بحس أن لو اختفيت محدش هيحس بده لدرجه بقي يأثر ع علاقتي بالبيت وعايزة منهم كل الحب والصداقه وحاسه أن متلغبطه كتير كتير

أجاب عنه

هادى احمد سمير

مرشد نفسى

انا فاهم ان دى ظروف ضاغطاكى ،عندك شعور باليأس، اطلبى المساعدة من اخصائى نفسى

أجاب عنه

Nada Sallam

Psychology specialist

حاسّة من كلامك إنك شايلة جواكي حاجات كتير بقالها فترة، وإنك بتتعبي من التفكير المستمر، مش بس في اللي حصل، لكن كمان في مواقف بتتخيليها وبتفضلي تعيشي تفاصيلها في دماغك، لدرجة إنك مش بتلاقي فرصة ترتاحي فيها. ويمكن أكتر حاجة بتوجاعك مش بس إنك مريتي بتجارب صعبة في الشغل والدراسة والعلاقات، لكن إنك حاسة إنك لوحدك في كل ده، وإنك محتاجة حب واحتواء من الناس القريبة منك، لكن مش عارفة توصلي للإحساس ده. بس عايزة أقولك إن عدم نجاح بعض التجارب مش معناه إنك فشلتي في حياتك، وإنك مش مطالبة تكوني حققتي كل حاجة في سن 25 سنة. واضح إنك متعبة ومحتاجة تفهمي نفسك ومشاعرك بهدوء، مش إنك تلومي نفسك أكتر. ومحتاجة أسألك سؤال مهم عشان أفهمك وأطمن عليكي: لما بتقولي إنك حاسة إنك لو اختفيتي محدش هيحس، هل ده تعبير عن إحساسك بالوحدة وإنك مش مهمة عند حد، ولا بتيجي في بالك أفكار إنك تنهي حياتك أو تأذي نفسك؟ اخصائي نفسى ندى سلام

أجاب عنه

Psyc• Doaa Elkarawan Said

"As a Mental Health Specialist specializing in Marriage and Family Counseling as well as Cognitive Behavioral Therapy (C

مرحبًا بكِ 🌷 أحب أطمنك إنك مش لوحدك الحالة اللي بتمري بيها وصفها كالآتي : المعطيات اللي قدامنا دي بتعبر عن حالة إرهاق عصبي ونفسي حاد ناتج عن تراكمات طويلة، ويمكن تفصيلها كالتالي: 1. الدوامة المعرفية والتفكير الزائد (Rumination & Anticipatory Anxiety): الدماغ اللي مش بيفصل وتأليف السيناريوهات هو انعكاس واضح لحالة فرط يقظة (Hypervigilance). عقلك بيستخدم الآلية الدفاعية دي (التوقع والتحكم التخيلي) كحيلة بائسة منه لتجنب أي صدمات أو خذلان جديد، وكأنها بتقول: "لو تخيلت السيناريو الأسوأ، مش هتألم لو حصل". 2. أزمة الهوية والشعور بالفشل (Identity Crisis & Low Self-Efficacy): عمر الـ 25 هو سن حرج بيحصل فيه صراع بين التوقعات الاجتماعية (المفروض أكون عملت إيه) والواقع (الشغل اللي مش بيكمل، الدراسة اللي خلصت بالعافية). عدم استقرارك المهني وخبرات الخذلان السابقة هزت تماماً تقديرك لذاتك (Self-Esteem)، وبقى أي تعثر بيترجم في عقلك على إنه "فشل مطلق". 3. الحرمان العاطفي والارتباط (Emotional Deprivation & Family Dynamics): لما الشخص بيتعرض لخذلان خارجي شديد، بيبحث عن "الملاذ الآمن" في الأسرة. لكن لما بتلاقي إخفاق في تلبية احتياجاتها العاطفية العميقة هناك (الصداقة والحب المطلق)، بيحصل إحساس بالغربة والعزلة، ومن هنا بيطلع فكرة: "لو اختفيت محدش هيلاحظ "، وهو تعبير مجازي عن الألم العميق والرغبة في الهروب مش بالضرورة رغبة انتحارية، بل رغبة في إنهاء حالة الوجع المستمر.. 🍃🍃 إليكِ خطوات عملية يمكنكِ البدء في تطبيقها بمفردكِ خطوة بخطوة لاستعادة توازنكِ وهدوء عقلكِ: 1. تفريغ الأفكار (Thought Dumping) عندما تبدأ السيناريوهات الوهمية وزحمة الأفكار في السيطرة عليكِ، لا تحاربيها في عقلكِ، بل أحضري ورقة وقلم واكتبي كل ما يدور في ذهنكِ بلا شروط وبدون ترتيب. مجرد خروج الفكرة من الرأس ورؤيتها على الورق يقلل من حجمها الوهمي ويضعها في حجمها الحقيقي. 2. تحديد دائرة السيطرة (Circle of Control) قسّمي مخاوفكِ إلى قسمين: أشياء تملكين السيطرة عليها وتستطيعين تغييرها الآن، وأشياء أخرى خارجة عن إرادتكِ تماماً. ركّزي طاقتكِ فقط على القسم الأول، وتدرّبي على قبول فكرة أنكِ لا تستطيعين التحكم في كل الظروف أو في أفعال الآخرين. 3. قاعدة "الإنجازات المجهرية" (Micro-steps) توقفي عن جلد ذاتكِ بسبب الشغل الذي لم يكتمل أو التراجع في الدراسة ، استبدلي الأهداف الكبيرة بأهداف صغيرة جداً لا تشكل عبئاً عصبياً (مثل إنجاز مهمة واحدة لمدة 10 دقائق فقط). هذه النجاحات البسيطة والمتراكمة هي وحدها التي تعيد بناء ثقتكِ بقدراتكِ وكفاءتكِ الذاتية تدريجياً. 4. احتواء الذات وإعادة توجيه التوقعات (Self-Compassion) عندما يتعرض الإنسان لخذلان في محيطه الخارجي، يبحث عن الأمان الكامل داخل البيت، وقد يصاب بخيبة أمل إن لم يجد الأهل قادرين على لعب دور الصديق أو الحبيب المثالي. تذكري أن الأهل بشر ولهم حدودهم. ابدئي في منح هذا الحب والاحتواء لنفسكِ أولاً (كوني حنونة مع نفسكِ)، واجعلي بحثكِ عن العلاقات الآمنة خارج البيت يتم بحذر وتدريج. تذكّري دائماً: التفكير الزائد ليس عيباً في شخصيتكِ، بل هو صرخة من عقلكِ يطلب منكِ أن تهدئي وتخففي الحمل عن كاهلكِ. خدي الأمر ببساطة، وابدئي اليوم بخطوة واحدة فقط لأجلكِ أنتِ لا تقسين على نفسك مثل ما يفعل الآخرين من وجهة نظرك 🌷

أجاب عنه

نجلاء عبد المنعم محمد

اخصائية الصحة النفسية والإرشاد النفسي

يا عزيزتي أنا سامعاكي حاسة با إيه وعارفه إن الكلمات أكبر بكتير من طاقتكِ وإن الشنطة اللي على كتفكِ تقيلة أوي على عمر الـ 25 سنة تعبانة و مهدودة وحاسة إن الدنيا كلها جاية عليكي لدرجة إن حتى عقلك مبقاش بيديكي فرصة ترتاحي ثانية واحدة مش بيفصل وكل حركة وكل موقف بيتحول لحوار طويل جوه راسك ​تعالي نقعد مع بعض ونفهم اللي بيحصل من غير ما نجلد نفسنا ​مش فاشلة إنتي بس مهدودة: كلمة -محصلتش حاجة ولا نجحت في حاجة - دي وجع بيتقال من روح تعبت من كتر المحاولة ـدراسة خلصتيها بالعافيه وشغل مكملتيش فيه-ده مش معناه إنك فاشلة ده معناه إنكِ كنتي بتحاربي في معارك لوحدك، وبتقاومي وجع نفسي يهد جبال، وكنتي بتدوري على مكان آمن ميتعبكيش مش أكتر. ​الخذلان اللي كسر الأمان لما الناس اللي حبيناهم يأذونا، بيفضل الجرح معلم جوانا. عقلكِ دلوقتي في حالة "استنفار دايم"، خايف يتوجع تاني، فبيخترق سيناريوهات ومواقف مش موجودة في الواقع عشان يحميكي من الصدمة الجاية بس للأسف الطريقة دي بتعذبك إنتي مش بتريحك. ​الوحدة اللي بتقطع القلب إحساس إنك لو اختفيتي محدش هيلحظ وإن مفيش حد فاهمك ده أقسى أنواع الوجع. وعشان كده بتدوري في البيت على كل الحب والصداقة اللي ناقصينك بره بس أحياناً الأهل بيكونوا هما كمان آكلهم التعب ومش عارفين يدونا اللي بنطلبه بالشكل الكافي فلما بيقصروا بنحس إن الدنيا اتقفلت من كل ناحية. ​عارفة إيه هو إنجازك الحقيقي لحد دلوقتي؟ إنك لسه قاعدة هنا بتصرخي وعايزة تلاقي حل ده معناه إن جواكي روح طيبة وعايزة تعيش، مش تستسلم. ​عشان نقف على رجلينا تاني محتاجين نعمل وخطواتوصغيرة صغيرة ​بطلي تحاسبي نفسك دلوقتي اللي فات ده كان "نجاة" مش "فشل". إنتي كفاية عليكي إنك عديتي كل الأيام اللي فاتت دي بروحك دي. ​لما السيناريوهات الوهمية دي تبدأ تشتغل جوه راسك بالليل، قولي لنفسك بصوت عالي "دي مش الحقيقة.. ده تعبي هو اللي بيتكلم دلوقتي وأنا بستاهل أهدى." ​البيت مش هيقدر يدينا كل حاجة تعالي ندور بره على ناس شبهك ناس تفهمك وتحتويكي بجد من غير أحكام زي مجتمعنا هنا في احتواء ​قولي لي يا حبيبتي.. في وسط زحمة الأفكار دي كلها إيه هي أكتر فكرة أو سيناريو بيتعبك بالليل ومش بيخليكِ تعرفي تنامي نتفق سوا إزاي نكسره ونرتاح منه؟