القلق والتوتر والاكتئاب بعد مرض مزمن وطلاق

Question

هدير محمد يوسف · Accepted Answer

طبيعي جداً تحسي باكتئاب وقلق وتوتر، وعقلك وجسمك بيمروا بحالة استنفار. عشان تقدري تقومي وتقفي على رجلك تاني، ركزي في الخطوات دي:
فرغي مشاعرك  ومتكبتيهاش : ادي نفسك الحق تزعلي وتتألمي البكاء والتفريغ هما طريقة الجسم عشان ينظف طاقة الضغط العالي.
عيشي يومك ب  (قاعدة اليوم الواحد): بلاش تفكري في بكرة ولا السنين الجاية هتمشي إزاي ركزي في يومك النهاردة وبس عشان ما تستهلكيش طاقتك في التفكير في المجهول.
افصلى  هويتك عن مرضك وظروفك: أنتِ إنسانة قوية وبتعدي بأزمة وهتعدي منها على خير.
تعاملي مع جسمك برحمة: مرض مزمن مع معركة نفسية معناه إن طاقتك محتاجة إدارة؛ قولي "لا" لأي حاجة بتستنزفك واهتمي بأبسط تفاصيل راحتك.
اطلبي مساعدة متخصصة: لو حسيتِ إن الأعراض أكبر من قدرتك على التحمل ومأثرة على نومك ويومك

Salma Khaled Ghanem · Answer

القلق والتوتر والحزن مشاعر طبيعية ممكن يمر بيها الإنسان في وقت من حياته، ووجود مرض مزمن ممكن يكون عامل ضغط إضافي على الشخص.

وكمان الانفصال، خصوصًا لو حصل في وقت الشخص ماكنش مهيأ ليه أو في ظل ظروف ضاغطة، ممكن يزود من مشاعر التوتر والقلق والحزن، ولو كانت موجودة بالفعل ممكن تزداد حدتها.

لكن مش كل الناس عندها نفس القدر من المرونة النفسية اللي يساعدها على التعامل مع الأحداث والضغوط بنفس الطريقة. والمرونة مش معناها إن الإنسان مايتأذيش، لكن معناها إن عنده قدرة أكبر على التكيف والتعافي بعد ما يتأثر.

ومع القلق والتوتر، ممكن الشخص ينشغل بالخوف على اللي حواليه أو بمحاولة التعامل مع مسؤولياته، لدرجة إنه ميبقاش منتبه بشكل كافي للي بيحصل جواه، ومع استمرار الضغوط وتراكمها ممكن تظهر أعراض اكتئابية أو تزداد شدتها.

وده مش معناه إن الأمر مستحيل يتغير.

القلق والتوتر جزء من التجربة الإنسانية، واللي مش طبيعي هو إنهم يوقفوا حياتك أو يمنعوكي من ممارسة يومك بالشكل اللي تقدري عليه أو بالشكل اللي كنتي متعودة عليه.

ودورنا مش إننا نلغي كل مشاعرك، لكن نساعدك تفهميها، وتتعاملي معاها، وترجعي لحياتك خطوة بخطوة 
وترجعي تشوفي بهجة ألوانها من جديد، وتعرفي تعيشي يومك تاني.

هادى احمد سمير · Answer

فرغى أفكارك ومشاعرك مع مصادر دعم

اكتبى الى جواكى على ورق

الدنيا حتتحسن والالم حيخف مع الوقت

لو مش قادرة تحتوى الحالة النفسية

السيئة بنفسك ،اطلبى مساعدة مختص

نفسى

صفاء مصطفى · Answer

مين شخصك أن عندك اكتئاب 
حزنك دي مشاعر طبيعيه ادي نفسك الفرصه للتعبير عن حزنك بلاش تكبتي جواك 
اللي اتعرضتيله مرحله من قصه حياتك مش حياتك كلها دا فصل في كتاب اللي مطلوب منك الان  تحبي نفسك وتطبطبي عليها حددي لنفسك هدف لو صغير وابدأي حطي خطه لتنفيذه ليه بطلب منك كده عشان اهم نقطه نبدأ بها انك  تتمتعي بالصحه النفسيه والتوافق نفسي واحده واحده حياتك هتتغير للأفضل فرحي نفسك بأبسط الاشياء احجزي جلستك وتأكدي أن المرض أو الطلاق بيكون بدايه لحياه افضل عمره ما كان نهايه ابدا ياتري تحبي حياتك اللي جايه تكون مليانه فرح ابدأي معانا بحجز جلستك الأولي

Mariam atta hanna · Answer

احيانا يمر الإنسان بتجربه صعبه مثل المرض ، الطلاق ، فقدان شخص عزيز ، أو تغيير كبير في حياتة . وبعدها يشعر بالقلق والتوتر والحزن وفقدان الرغبة في اشياء كان يحبها 
وقد تظهر الأعراض في صورة
_تفكير زايد وخوف مستمر .
_توتر وعصبية وسرعة انفعال .
_فقدان الثقه بالنفس .
_اضطراب النوم او الشهية .
_الانعزال والشعور بالوحدة .
_ الاحساس بعدم القدرة علي البدء من جديد .
ولكن المهم ان هذه المشاعر لا تعني انك ضعيف فالتاريخ الصعبه قد تترك أثرا نفسيا يحتاج الي فهم ودعم ومساعده متخصصة 
وهذا من خلال الدعم النفسي والتدريب علي التعامل مع الأفكار والمشاعر ،لتمكن من استعاده الفوزان والثقه بالنفس والقدرة علي التعامل مع الحياة بشكل أفضل. 
لا تنتظر حتي يزداد الضغط ،فالاختبار بالنفس خطوة مهمه نحو التعافي .
وشفاءنا الله أجمعين.

عزيزه احمد محمود طايع · Answer

عزيزه احمد محمود اخصائي نفسي اكلينكي كاتبه بجريده الهرم المصري نيوز ومقدمه ومحاوره البرنامج الاذاعي خلف القناع الذي يكشف اقنعه اضطرابات الشخصية بأسلوب سهل ويسير علي راديو نور قلبك يوم الثلاثاء من كل أسبوع الساعه 5

نجلاء عبد المنعم محمد · Answer

أفهم أن ما تمر به قد لا يكون بسبب الطلاق أو المرض المزمن كلٌ على حدة، وإنما نتيجة تراكم فقدان الأمان والسيطرة وتغيّر نظرتك للمستقبل.

لذلك البداية تكون بتقييم متكامل: طبي للتأكد من تأثير المرض أو الأدوية، ونفسي لفهم القلق والاكتئاب والنوم وفقدان المتعة والقدرة على التكيف، واجتماعي/وجودي لفهم ما الذي تغيّر في حياتك وإحساسك بذاتك ومستقبلك.

ولا نحتاج الآن أن نفكر في «كيف سأكمل الطريق كله». نبدأ من مكانك الحالي: ايه اللي معطلة؟ وفقدت السيطره عليه وايه اللي لسه تحت سيطرتك؟ واي هي الخطوة الصغيره اللي تقدر تعملها دلوقتي؟

الهدف ليس أن تنسي ما حدث، ولكن  أن تستعيد تدريجيًا إحساسك بالأمان والقدرة والمعنى، خطوة بخطوة.

إسراء الجبالي المؤذن · Answer

اللي إنتِ حاساه مش معناه إنك ضعيفة أو إنك مش قادرة تتعاملي مع حياتك. إنتِ مريتي بتغييرات وضغوط كبيرة، فمن الطبيعي إن ده ينعكس على نفسيتك ويخليكي تحسي بقلق أو توتر أو حزن 
لأن المرض المزمن لوحده بيكون حمل نفسي كبير، ولما ييجي معاه تجربة الطلاق والتغييرات اللي بتحصل بعدها، طبيعي جدًا تحسي بقلق وتوتر أو حتى تدخلّي في فترة اكتئاب وفقدان رغبة في حاجات كنتِ بتحبيها.

حاولي في الفترة دي متطلبيش من نفسك إنك ترجعي طبيعية مرة واحدة أو إنك تبقي قوية طول الوقت، خديها خطوة خطوة.

لما تحسي إن القلق زاد، جربي تاخدي كام نفس ببطء وتركزي بس في اللحظة اللي إنتِ فيها، بدل ما تفضلي تفكري في كل اللي حصل وكل اللي جاي.

وكمان حاولي كل يوم تعملي حاجة صغيرة لنفسك، حتى لو بسيطة جدًا: تتمشي شوية، تكلمي حد بتحبيه، تسمعي حاجة بتحبيها، أو تعملي حاجة كنتِ بتستمتعي بيها قبل كده. الهدف مش إنك تبقي مبسوطة فورًا، لكن إنك تبدأي ترجعي تحسي إن ليكي حياة ومساحة لنفسك بعيد عن المرض والطلاق.

ولو حاسة إن الحزن والقلق مستمرين ومأثرين على نومك أو يومك أو علاقتك باللي حواليكي، ساعتها وجود أخصائي نفسي معاكي ممكن يساعدك تفهمي اللي بتمري بيه وتتعاملِي معاه خطوة خطوة بدل ما تفضلي شايلة كل ده لوحدكِ. 🤍

Tuka Zakaria · Answer

واضح إنك مريتي بفترة صعبة جدًا، خصوصًا مع تجربة المرض المزمن والطلاق، ومن الطبيعي إن التجارب الضاغطة بالشكل ده تأثر على الحالة النفسية وتخلي مشاعر القلق والتوتر والحزن أكثر حضورًا. 🤍

لكن مش لازم تفضلي شايلة كل ده لوحدك. جلسات الدعم النفسي ممكن تكون مساحة آمنة تتكلمي فيها عن اللي مريتي بيه، وتفهمي مشاعرك بشكل أعمق، وتتعلمي طرق تساعدك تتعاملي مع القلق والضغوط وتستعيدي توازنك خطوة بخطوة.

خدي خطوة لنفسك واطلبي الدعم المتخصص، لأنك تستحقي يكون عندك مساحة تهتمي فيها بنفسك وبسلامك النفسي. ألف سلامة عليكِ 🤍