أخطاء التفكير و التشوهات المعرفيه
تفتكر عقلك دايما بيشوف الحقيقه او بيفكر بطريقه صح ؟ 🤔 هنتكلم انهارده عن شويه من اخطاء التفكير : اولا : ايه هي اخطاء التفكير اصلا ويعني ايه اخطاء التفكير : cognitive distortions هي طريقة تفكير بتخليك تترجم الواقع اللي شايفه بطريقه خطأ ودي شوية امثله 👇🏻 1️⃣ الكل أو اللاشيء : وهو انك بتشوف كل حاجه بتحصل أبيض او أسود بسس من غير ما تشوف ان في ألوان كتير بينهم مثال : "اتخانقت مع صحبتي يبقى علاقتنا فاشلة ومفيش فايدة منها" "لو مقدرتش ألتزم بالروتين بتاعي كل يوم يبقى أنا شخص فاشل وغير منظم" 2️⃣ التعميم : هو تعميم فكره واحده على كل الأحداث او المواقف مثال : "قدمت على شغل واترفضت يبقى عمري ما هتقبل في أي شغل" " شوفت راجل خاين يبقا كل الرجاله خاينين " 3️⃣ التصفية الذهنية: وهو التركيز فقط على الجوانب السلبيه للمواقف دون النظر للجوانب الإيجابيه مثال : "كل الناس شكرتني على الشغل اللي عملته لكن شخص واحد انتقدني ففضلت طول اليوم بفكر في انتقاده" "اليوم كان حلو جدًا، لكن حصل موقف ضايقني في آخره فحسيت إن اليوم كله كان سيئ" 4️⃣ بخس الإيجابيات : هو التركيز على ردود الفعل السلبيه والانتقادات فقط دون النظر الي الإيجابيات مثال : "نجحت في حاجات كتير بس ده عادي أي حد كان ممكن يعملها" "الناس قالتلي إني شاطر في شغلي بس أكيد بيقولوا كده مجاملة" 5️⃣ القفز للاستنتاجات: هو القفز الي استنتاجات على الرغم من عدم وجود ادله كافيه تدعم هذه الاستنتاجات مثال : "بعتله رسالة ومردش أكيد مابقاش يحبني " "المدير طلب يقابلني أكيد عملت حاجة غلط" 6️⃣ قراءة العقل : هو ان الشخص بيفترض انه عارف اللي قدامه بيفكر ازاي او حاسس بيه من غير أي دليل فعلي على كلامه مثال : "هي بتضحك مع الكل إلا أنا أكيد مش بتحبني" "لما حكيت له حاجة وماعلقش أكيد شايف كلامي تافه" 7️⃣ قراءة المستقبل : هي عباره عن توقعات شخصيه ان الامور هتكون اسوأ في المستقبل مع الاقتناع بأن توقعاته حقيقه مثال : "لو مقدرتش أنجح المرة دي أكيد مستقبلي كله هيفشل" "أنا متأكد إن المقابلة الجاية هتكون كارثة وهتلخبط في كل حاجة" 8️⃣ التهويل أو التهوين : هو تضخيم الشخص للأمور او التقليل منها مثال : التهويل: "غلطت في كلمة قدام الناس خلاص شكلي بقى وحش ومش هينسوا الموقف ده" التهوين: "أنا تعبان ومضغوط جدًا، بس مش مهم أكيد لازم أكمل عادي" 9️⃣ الاستدلال العاطفي : عباره عن افتراضات الشخص ان المشاعر تعكس حقائق مثال : "أنا حاسس إن محدش بيحبني يبقى فعلًا محدش بيحبني" "حاسس إني مش هقدر أعملها يبقى أكيد أنا مش قادر" 🔟 استخدام عبارات يجب وينبغي : "لازم أكون متاح لأي حد محتاجني مهما كنت تعبان" " لازم إني ما أغلطش أبدًا" "لازم أكون دايمًا قوي ومينفعش أضعف" " لازم اكون محبوب من الجميع " 1️⃣1️⃣ التسمية : هو عباره عن بدل ما يقول الشخص انه غلط او اتصرف بشكل خاطئ او سلوك غلط يقوم بتسميه على ذاته انه غلط مثال : بدل ما تقول: "أنا اتأخرت عن المعاد" بتقول "أنا شخص مهمل" بدل: "أنا معرفتش أتعامل مع الموقف" "أنا غبي ومبعرفش أتصرف" 1️⃣2️⃣ الشخصنة : هو رؤية الشخص انه المسؤول عن معظم الاحداث حتى لو الحدث دا ظاهره طبيعيه مثلا مالهاش أي علاقه بيه كإنسان مثال : "صحبي مش على طبيعته النهارده أكيد أنا السبب" "المشروع فشل يبقى أنا اللي بوظت كل حاجة" "أهلي متضايقين النهارده، أكيد عملت حاجة زعلتهم" الخلاصه : المشكلة مش إن الأفكار دي بتيجي في دماغنا المشكلة لما نصدقها من غير ما نسأل: " هل دي حقيقة فعلًا؟" ✨ استخدم عقلك فإنك تلاحظ أفكار عقلك ✨ # الصحه النفسيه # وعي # أخطاء التفكير # التشوهات المعرفيه # الوعي النفسي # أفكارك ليست حقيقه مطلقه