كلماته هو — وأفضل طريقة تسمع بها طريقة تفكيره قبل أن تحجز.
📄 مقال١٩ أغسطس
أحياناً الكتمان مش مجرد "حزن مكتوم"، أحياناً بيكون "صمت دفاعي" أو "خوف من المواجهة"، أو تعبير عن "خوف من الرفض".
"لو حكيت، هيفتكروني ضعيف."
"لو قلت اللي جوايا، ممكن أخسر اللي بحبهم."
جمل دايماً بتدور في عقلنا وبتخلينا نختار "الصمت" كبديل آمن.
بس هل الصمت ده فعلاً أمان...؟ ولا هو سجن إحنا اللي بنقفل بابه على نفسنا؟
✨ الكتمان بيبدأ كنوع من الحماية، لكنه بينتهي كنوع من "الاستنزاف". إحنا مش بس بنكتم الوجع، إحنا بنكتم كمان احتياجاتنا، طموحاتنا، وحتى فرحتنا اللي بنخاف نحس بيها بزيادة عشان "ما يحصلش حاجة وتضيع".
✨الحقيقة اللي لازم ندركها إن "الكلمة اللي مابتتقالش.. بتتحول لثقل على الصدر". الصمت مش بيحل المشاكل، الصمت بيخلي المشاكل "تعفّن" جوه، وبدل ما نعيش حياتنا، بنبقى مشغولين بس بإدارة الأفكار اللي كاتمينها عشان ما تطلعش.
✨ الشجاعة مش إننا نفضل ساكتين ونتحمل، الشجاعة الحقيقية هي إننا نلاقي "المساحة الصح" و "الشخص الصح" اللي نقدر نرمي عنده تقـلنا ده، ونسترد صوتنا اللي ضاع وسط سكوتنا... 🤍
Yasmeen Khaled henedy
معالجه نفسىيه اكلينيكيه / متخصصة في الاضطرابات النفسية ، وعلاج الادمان ، و كرب مابعد الصدمه ، والضغوط النفسيه ، و الثق
📄 مقال١١ أغسطس
وراء كل سلوك… رسالة تستحق إننا نفهمها.💜
مش كل عصبية عناد، ومش كل عزلة مجرد هدوء، ومش كل رفض للقوانين رغبة في التحدي.
أحيانًا السلوك بيكون طريقة الطفل أو المراهق الوحيدة للتعبير عن حاجة مش عارف يقولها .
في احتواء بنساعدك تفهم ما وراء السلوك، وتتعامل مع التحديات بطريقة علمية وإنسانية، من خلال دعم نفسي أونلاين يناسب احتياجاتك.
🌿 في احتواء نهتم بـ:
• تعديل السلوك للأطفال والمراهقين.
• فهم أسباب السلوكيات الصعبة.
• دعم الأسرة وتطوير أساليب التعامل الصحيحة.
• تنمية مهارات التواصل والثقة بالنفس.
• مساعدة المراهقين على بناء شخصية متوازنة.
• التعامل مع التحديات النفسية والسلوكية بخطط علاجية متخصصة.
♦ لأن ابنك مش محتاج حد يحاسبه على كل تصرف…
هو محتاج حد يفهمه ويساعده. 🤍
Yasmeen Khaled henedy
معالجه نفسىيه اكلينيكيه / متخصصة في الاضطرابات النفسية ، وعلاج الادمان ، و كرب مابعد الصدمه ، والضغوط النفسيه ، و الثق
📄 مقال٣ أغسطس
ليس عليك أن تواجه كل شيء بمفردك. 🤍
في احتواء، تجد مساحة آمنة تستمع إليك دون أحكام، مع أخصائيين نفسيين معتمدين يساعدونك على فهم نفسك والتعامل مع تحديات الحياة بخطوات ثابتة.
لأن طلب المساعدة هو بداية القوة، وليس علامة ضعف. 🌿
📲 احجز جلستك الآن وابدأ رحلتك نحو حياة أكثر توازنًا.
#احتواء #الدعم_النفسي #الصحة_النفسية #جلسات_أونلاين #العلاج_النفسي
Yasmeen Khaled henedy
معالجه نفسىيه اكلينيكيه / متخصصة في الاضطرابات النفسية ، وعلاج الادمان ، و كرب مابعد الصدمه ، والضغوط النفسيه ، و الثق
📄 مقال٣ أغسطس
في مواقف معينة في الحياة، بتيجي لحظة تكتشف فيها إن كلمة "أسف" بقت أداة تفتقد للمعنى.. زي بالضبط لما تدق مسمار في حيطة، وترجع تشيله.. المسمار هيمشي، بس الأثر بتاعه هيفضل موجود.
أحياناً الجرح بيكون أعمق بكتير من إن اعتذار عادي يداويه. بتعدي مواقف ناس تكسر فينا حاجات مفيش كلمة في القاموس تقدر تصلحها، أو تستهلك طاقتنا وصبرنا لحد ما نخلص، وتيجي كلمة "أنا آسف" في الآخر كأنها محاولة لرفع العتب مش أكتر، وساعتها بنحس إن الكلمة دي "مبتحلش حاجة" ولا بترجع اللي انكسر.
بس في المقابل.. ده مش معني إننا نلغي الاعتذار من حياتنا نهائي!
في العلاقات الصحية، الاعتذار الصادق والنابع من القلب وقت الغلط الحقيقي هو طوق نجاة؛ بيعرف الطرف التاني إنه غالي، وإنه بيستاهل نراجع نفسنا عشانه، وإن كرامتنا مش أهم من سلامه النفسي.
المعادلة الصعبة هنا هي إننا نعرف نميز: إمتى الجرح بيكون كبر لدرجة إن الاعتذار ما ينفعش، وإمتى بنكابر ونرفض نقول "أسف" لمجرد الغرور مع إن الغلط كان واضح ومحتاج اعتذار شجاع.
💔 لو تايه بين الجروح القديمة وازاي تتعامل معاها؟
لو جرحك من مواقف معينة ولسه مش قادر تتخطاه، أو عندك مشكلة في ال
تعبير عن اعتذارك الصح في الوقت الصح.. انا هنا عشان نرتب المشاعر دي سوا.
📩 ابعتلي رسالة دلوقتي، واحجزي جلستك، وخلينا نرجع التوازن لقلبك وعلاقاتك.
Yasmeen Khaled henedy
معالجه نفسىيه اكلينيكيه / متخصصة في الاضطرابات النفسية ، وعلاج الادمان ، و كرب مابعد الصدمه ، والضغوط النفسيه ، و الثق
📄 مقال٣ أغسطس
في احتواء، بنؤمن إن طلب الدعم النفسي هو بداية قوة، وليس علامة ضعف.
نوفر لك جلسات دعم نفسي أونلاين مع أخصائيين معتمدين، في بيئة آمنة وسرية، تناسب احتياجاتك وتساعدك على تجاوز التحديات بخطوات ثابتة.
✨ إذا كنت تواجه: • القلق • الاكتئاب • الوسواس القهري • الصدمات النفسية (PTSD) • أو تحتاج إلى دعم في بناء تقدير الذات
فنحن هنا لنرافقك في رحلتك نحو حياة أكثر اتزانًا.
💙 جلسات أونلاين 🔒 خصوصية وسرية تامة 💰 أسعار رمزية 📱 من أي مكان وفي الوقت الذي يناسبك
ابدأ رحلتك اليوم... لأن صحتك النفسية تستحق الاهتمام. 🤍
Yasmeen Khaled henedy
معالجه نفسىيه اكلينيكيه / متخصصة في الاضطرابات النفسية ، وعلاج الادمان ، و كرب مابعد الصدمه ، والضغوط النفسيه ، و الثق
📄 مقال١ أغسطس
( بتضحك وفي قلبك عاصفة... كتمان الوجع بيكلفك صحتك النفسية و الجسديه!! )
💭 أقوى الناس غالباً هما أكتر ناس شايلين جواهم حاجات لو حد تاني عاش عُشرها، كان انهار من أول يوم.
💭 أنت الشخص اللي كل الناس بتجيله عشان تفضفض وتشتكي، الشخص اللي متعود يشيل، يحل، يهدي، ويسند الكل... بس لما بتيجي على نفسك، بتبتلع الكلام جوه، تقفل بؤك، وتقول لنفسك :- انهم شايفيني ومتعودين عليا انى دايما قوي "أنا مش عايز أحمل حد همي، وأصلًا مين هيسمعني بجد ، ومين هيفهمنى صح...؟"
💭 فبتختار السكوت. بتلبس قناع "الإنسان القوي" اللي مبيكسروش حاجة، وتضحك في الوقت الصح، بينما جوه صدرك في عاصفة من الوجع، التعب، والأسئلة اللي ملهاش إجابة.
💭 وبتفتكر إن الكتمان حماية، وإنك كده بتعدي الأزمات لوحدك... بس دا مش الحقيقه و الحقيقة المرة هى... ؟ ان الحاجات اللي بنكتمها مش بتموت، دي بتتحول لكتل من التوتر جوه جسمنا، أوجاع جسدية ملهاش سبب طبي، وعصبية مفاجئة على أبسط الأسباب. الروح بتتعوّد على الصمت، بس البطارية بتخلص فجأة وبشكل قاسي.
💭 مش عيب أبداً تتعب، ومش عيب تقول: "أنا تعبان ومش قادير أكون قوي النهاردة." السند الحقيقي بيتبدأ لما تعترف لنفسك إنك محتاج مساحة تفرغ فيها كل الشيلة دي من غير خوف من العتاب.
✨مساحتك الآمنة موجودة، ومش لازم تشيل لوحدك تاني... ♥
💭 لو تعبت من كتمان الكلام وبناء الأسوار حوالين وجعك، ف انت محتاج تحجزي جلستك عشان تتكلم براحتك، من غير أحكام، ومن غير ما تضطر تكون "القوي" طول الوقت.
💌 ابعتلي رسالة دلوقتي، وخلينا نرجع نخفف الحمل عن قلبك سوا.
Yasmeen Khaled henedy
معالجه نفسىيه اكلينيكيه / متخصصة في الاضطرابات النفسية ، وعلاج الادمان ، و كرب مابعد الصدمه ، والضغوط النفسيه ، و الثق
📄 مقال١ أغسطس
"دايرة الأفكار اللي مابتنتهيش.. هو ده وسواس ولا حرص زياده...؟"
بتعدي الباب وتخرج، وبعدها بخمس دقايق تقف وتسأل نفسك بخضه و حيره : هو أنا قفلت الباب بجد ولا لأ...؟ و ترجع تتأكد وتلاقيه مقفول فعلاً ،
♦ او لو لازم تكون كل الحاجه محطوطة بشكل معين وبدقة شديدة جداً ولو حاجة اتغير مكانها أو اتحطت بشكل عشوائي، بيجيلك شعور بالتوتر والقلق الشديد وكأن الدنيا هتبوظ .
♦ مش دايماً الوسواس بيبان في حركة ظاهرية، أحياناً بيكون "في العقل"، زي إن الشخص يفضل يكرر جملة معينة في سره عدد مرات محدد، أو يسترجع شريط حدث معين في عقله بطريقة مثالية عشان يطمن إن "مفيش كارثة حصلت"
وتاني يوم يحصل نفس المواقف، ومعاها أفكار غريبة مزعجة بتقتحم عقلك غصب عنك، تخلّيك تفضل تلف في ساقية مابتخلصش من التأكد ومقاومة الأفكار دي.
♦ وبتفضل تسأل نفسك بحيرة وخوف: "هو أنا حصلي حاجة؟ وليه عقلي مصر يعذبني بالأفكار دي مع إني شخص هادي بطبيعتي..؟"
> لو بتعيش الليلة دي كل يوم، وبتستهلك نص طاقتك في محاربة أفكار أو أفعال متكررة بتحس إنك مجبر تعملها عشان ترتاح مؤقتًا.. احب أقولك إن ده مش مجرد "حرص زيادة" أو "وساوس عادية"، دي أعراض **الوسواس القهري (OCD)** اللي بيخليك أسير جوه عقلك.
♦ الأسوأ مش الأفكار نفسها، الأسوأ هو شعور الوحدة والذنب وكأنك خايف تقول للي حواليك لتكون "مش طبيعي"، فبتفضل تشيل الشيلة دي لوحدك وتتألم بصمت.
♦ بس خليني أقولك حاجة مهمة جداً: **الوسواس مش ضعف في إيمانك، ولا جنون.. ده مرض نفسي حقيقي، وممكن جداً يتحسن وتسترد السيطرة على حياتك لما تلاقي العلاج الصح.**
« عقلك محتاج يرتاح من اللف الكتير... »
♦ لو تعبت من محاربة الأفكار الوسواسية لوحدك، وعايز مساحة آمنة تفهم فيها إزاي تكسر الدايرة دي من غير خوف...
📩 ابعتلي رسالة سريه ، واحجزي جلستك، وخلينا نرجع الهدوء لعقلك خطوة بخطوة ♥
Yasmeen Khaled henedy
معالجه نفسىيه اكلينيكيه / متخصصة في الاضطرابات النفسية ، وعلاج الادمان ، و كرب مابعد الصدمه ، والضغوط النفسيه ، و الثق
📄 مقال١ أغسطس
بطاريتك صفر ومش قادر تقوم من السرير؟.. ده مش كسل، ده احتراق نفسي!" "ليه بنعاقب نفسنا وبنفتكر إننا كسلانين وإحنا من جوا
حاسس إنك بطارية صفر ومش قادر تكمل؟.. تعال نفهم إيه اللي بيحصل في روحك."
حاسس إنك بطارية صفر ومش قادر تكمل؟.. تعال نفهم إيه اللي بيحصل في روحك
بتصحى الصبح، وأول حاجة بتيجي في بالك: "يا رب يخلص اليوم بسرعة عشان أرجع أنام تاني."
● بتقف قدام المرايا، وتلاقي ملامحك باهتة، مش دي الملامح اللي كنت تعرفها. بتدخل الشغل (أو بتبدأ مهام يومك في البيت)، وأنت حاسس إنك "آلة" بتتحرك من غير روح. كل حاجة كانت زمان بتمثلك شغف أو تحدي ممتع، دلوقتي بقت عبء ثقيل، كأنك بتزق جبل كل يوم.
● بتسأل نفسك: "هو أنا ليه مبقاش عندي طاقة أعمل أي حاجة؟ وليه الفرحة اختفت من حياتي؟"
● الحقيقة المؤلمة اللي لازم نعترف بيها: أنت مش مكسل، ومش فاشل. أنت ببساطة بتمر بحالة "الاحتراق النفسي" (Burnout).
● الاحتراق النفسي مش بييجي فجأة، ده نتيجة طبيعية لما بتفضل تضغط على نفسك، وتيجي على راحتك وصحتك النفسية عشان ترضي غيرك أو تخلص مسؤوليات متراكمة من غير ما تاخد هدنة. ولما البطارية بتوصل للصفر، مبيفضلش عندك طاقة حتى للحاجات البسيطة اللي كنت بتحبها.
● الخطر هنا أنك ممكن تفتكر أن ده طبع فيك، أو أنك خلاص "انتهيت". بس أحب أقولك الخبر الحلو :- ان الاحتراق النفسي قابل للعلاج، وتقدر ترجع أقوى وأكثر توازناً.
⚡️عشان كدا مستنياكِ نعيد شحن البطارية سوا...؟
لو حاسة إنك وصلتي لمرحلة دى "الاحتراق" ومش عارفة تاخدي الخطوة الأولى .
💌 ابعتيلي وخلينا نبدأ رحلة التعافي واستعادة طاقتك المفقودة ؛ أنا هنا عشان أساعدك تكتشفي شغفك من جديد، وترجعي لنفسك الحقيقية ❤️🔥
Yasmeen Khaled henedy
معالجه نفسىيه اكلينيكيه / متخصصة في الاضطرابات النفسية ، وعلاج الادمان ، و كرب مابعد الصدمه ، والضغوط النفسيه ، و الثق
📄 مقال٣١ يوليو
الكلمة اللي دايماً بتتقال في العلاقات دي :-
( أنا بعمل كده عشان بحبك وخايف عليكِ/عليكِ )
بس السؤال الحقيقي اللي لازم تسأله لنفسك : هل ده فعلاً حب، ولا رغبة في السيطرة والتملك..؟
◇ الحب الحقيقي بيحرر، بيدي مساحة للتنفس، وبيخليك تلمع وتنجح. لكن الحب المرضي أو التعلق المؤذي بيحسسك كأنك مسجون في قفص ؛ مراقبة مستمرة، غيرة مبالغ فيها، إحساس دائم بالذنب لو خرجت من غيره، ومحاولة تدريجية لعزلك عن العالم عشان تكون "ملكه لوحده".
◇ وبتكتشف فجأة إنك بقيت تخاف تفرح بحاجة لوحدك، أو تحكي عن نجاحك عشان الطرف التاني ما يعتبرش ده تهديد لكيانه أو تقصير في حقه.
◇ الدوامة دي بتسحب طاقتك النفسية وبتدخلك في حالة من القلق المستمر والتوتر العصبي، وتخليك مش عارف تفرق بين "الاهتمام الخانق" و"الأمان الحقيقي".
◇ و الخروج من الدايرة دي مش سهل، ومحتاج شجاعة عشان تعيد رسم الحدود وتفهم إن الحب الصحي عمره ما كان الغاء لشخصيتك.
✨️ خليك فاكر انك مش لوحدك في الحيرة دي...
■ لو حاسس إنك محبوس في علاقة تملك بتدمر سلامك النفسي ومش عارف تطلع منها ازاي يبقى
📩 ابعتلي رسالة دلوقتي، واحجز جلستك الأولى،
عشان اساعدك تلاقي نفسك تاني وتبني حدودك بحكمة ؛ وخلينا نرجع نلون حياتك بالسلام النفسى من تانى 💖
Yasmeen Khaled henedy
معالجه نفسىيه اكلينيكيه / متخصصة في الاضطرابات النفسية ، وعلاج الادمان ، و كرب مابعد الصدمه ، والضغوط النفسيه ، و الثق
📄 مقال٣١ يوليو
( Toxic Relationships )
جربت في يوم تقف قدام المرايا وتسال نفسك: "هو أنا ليه بقيت حساس زيادة عن اللزوم؟ وليه كل ما أحاول أعبر عن زعلي، أطلع أنا اللي غلطان في الآخر؟"
لو بتعيش اللعبة دي باستمرار، وبتلاقي نفسك دايماً في موقف المُدافع عن نفسه.. أحب أقولك إنك مش مجنون، ولا "بتألف مواقف" زي ما بيتقالك. أنت غالباً وقعت في فخ "التلاعب العاطفي" (Gaslighting) والعلاقات اللي بتأكل روحك حتة حتة.
المؤذي مش دايماً شخص بيشتم أو بيضرب؛ أحياناً بيكون شخص بيلف الكلمات، يشككّك في ذكرياتك، يحسسك بالذنب لمجرد أنك طلبت أبسط حقوقك العاطفية، ويخليك تلف دايماً فى دايرة من تأنيب الضمير.
☆ النتيجة...؟
● بتفقد ثقتك بنفسك، وتبطل تثق في إحساسك، وتتحمل فوق طاقتك عشان "المركب تمشي"، لحد ما تلاقي نفسك بقيت شبح لنفسك.
● الخطوة صعبة بس ضرورية جداً: انك تدرك ان المشكلة مش فيك، وان العلاقة اللي بتستنزف أمانك النفسي مش عيب انك تسيبها أو تحط لها حدود قاطعة.
🛋️ محتاج حد يسمعك من غير ما يحكم عليك...؟
☆ يبقى انت فى المكان الصح و أنا هنا عشان أساعدك ترجع تشوف الحقيقة بوضوح وتبني حدودك من جديد.
☆ التعافي من آثار العلاقات السامة محتاج وقت ومساحة آمنة تفك فيها كل العقد دي ، وانا مساحتك الامنه ♡
Yasmeen Khaled henedy
معالجه نفسىيه اكلينيكيه / متخصصة في الاضطرابات النفسية ، وعلاج الادمان ، و كرب مابعد الصدمه ، والضغوط النفسيه ، و الثق
📄 مقال٣١ يوليو
عارف الإحساس ده؟
الساعة بتبقى 3 الفجر، البيت كله هادي، وكل الناس نايمة.. إلا أنت.
عقلك بيبدأ يشتغل بألف سرعة؛ يفكّر في كل كلمة اتأمرت عليك، كل موقف حسيت فيه بالتقصير، وكل تخوفات بكرة اللي لسه محصلش. بتفضل تقلب في تليفونك هرباً من الأفكار، بس الأفكار بتطاردك أكتر.
وبتسأل نفسك: "هو أنا ليه دايماً شايل الهم لوحدي؟ وليه كل الناس شايفاني قوي، بينما أنا من جوه بترعش؟"
الحقيقة؟ تعبك ده مش مبالغة، ومش "دلع" زي ما البعض بيحاول يفهمك. التفكير الزائد (Overthinking)، القلق المستمر، والشعور الدائم بالإرهاق النفسي.. دي كلها صرخات صغيرة من جسمك وعقلك بيقولوا لك فيها: "أنا محتاج استراحة، محتاج حد يسمعني بجد من غير أحكام."
التخبط ده مبيخلصش لوحده، والضغط لما بيتجمع جوانا بيتحول لأعراض جسدية ووجع حقيقي. لكن الجميل في الموضوع؟ أنك مش مضطر تكمل الطريق ده لوحدك.
☆ الخطوة الأولى عشان ترتاح.. هي أنك تعترف أنك محتاج مساحة آمنة تفضفض فيها وتفهم نفسك صح، من غير خوف من اللوم.
🛋️ مساحتك الخاصة مستنياكِ..
لو حاسس إن الحمل بقى أثقل من طاقتك، يبقى انت لازم تحجز جلستك الأولى و تبدا رحله السلامه النفسى اللي تستحقها و انا هنا عشانك.🤍
Yasmeen Khaled henedy
معالجه نفسىيه اكلينيكيه / متخصصة في الاضطرابات النفسية ، وعلاج الادمان ، و كرب مابعد الصدمه ، والضغوط النفسيه ، و الثق
📄 مقال٣١ يوليو
في ناس بقالها فترة مش عارفة تفتكر آخر مرة فرحت فيها من قلبها.
بتصحى الصبح لأنها لازم تقوم... مش لأنها عندها رغبة تبدأ يوم جديد.
بتضحك وسط الناس، وبترد: "أنا تمام"... لكن أول ما تبقى لوحدها، تحس إنها مستنزفة من غير ما تعرف ليه.
الاكتئاب مش دايمًا بيكون دموع...
أوقات بيكون فقدان شغف، وصمت طويل، وإحساس إن كل حاجة بقت تقيلة.
لو لاحظت ده في نفسك ويبقى انت فعلا محتاج مساعدة :-
• كل حاجة بقت محتاجة مجهود كبير.
• الحاجة اللي كانت بتفرحك مبقتش تفرق معاك.
• بتبعد عن الناس حتى اللي بتحبهم.
• بتحس إنك مرهق طول الوقت مهما نمت.
• بتلوم نفسك لأنك "مش زي الأول".
• بتفضل ساكت لأنك حاسس إن محدش هيفهمك.
☆ افتكر...
مش لازم توصل لمرحلة الانهيار عشان تعترف إنك تعبان.
والاكتئاب مش ضعف إيمان، ولا ضعف شخصية، ولا دلع...
هو معاناة حقيقية تستحق إنك تاخدها بجد.
🤍 ولو بقالك فترة بتحارب كل ده لوحدك... يمكن دي تكون رسالتك إن الوقت جه تطلب المساعدة ، و دا اللى انا موجوده هنا عشانه .
Yasmeen Khaled henedy
معالجه نفسىيه اكلينيكيه / متخصصة في الاضطرابات النفسية ، وعلاج الادمان ، و كرب مابعد الصدمه ، والضغوط النفسيه ، و الثق
📄 مقال٣٠ يوليو
يمكن مش فاكر !!
لأنك متعود توافق على كل حاجة، حتى لو على حساب راحتك.
كل مرة بتقول: "معلش"، "مش مشكلة"، "المره دى وخلاص" ، "هستحمل"... مع إن من جواك كان نفسك ترفض.
يمكن بتخاف حد يزعل منك... أو يحس إنك شخص وحش... أو يبعد عنك لو ملبتلوش طلبه.
فبتفضل تختار راحة الناس... وتسيب نفسك كل مرة.
ومع الوقت، بقيت متاح في أي وقت، ولأي حد، ولأي طلب لحد مبقيت بتضغط و تيجى على نفسك اكتر.....لدرجة إنك نسيت إن من حقك يكون ليك حدود ، ومن حقك تقول لا .
و بتلاحظ دا فنفسك لما... :-
• توافق على حاجات أنت مش مقتنع بيها.
• تحس بالذنب أول ما تفكر تقول "لا".
• تخاف تزعل حد حتى لو هو اللي مزعلك.
• تفضل احتياجات الناس على احتياجاتك دايمًا.
• تحس إن قيمتك في قد إيه بتساعد أو بترضي اللي حواليك.
☆ و دلوقتي انت محتاج تسأل نفسك ؟
هو أنا خايف أخسر الناس... ولا خايف أواجه إحساسي إني مش كفاية ؟
# افتكر....
انك تستحق تختار نفسك...من غير إحساس بالذنب .
و انك تستحق تتسمع....مش بس تسمع .
و انا هنا عشان اسمعك ♡
Yasmeen Khaled henedy
معالجه نفسىيه اكلينيكيه / متخصصة في الاضطرابات النفسية ، وعلاج الادمان ، و كرب مابعد الصدمه ، والضغوط النفسيه ، و الثق
📄 مقال٣٠ يوليو
هل أنت أكبر عدو لنفسك ..... ؟
" إنك تكون قاسي على نفسك....مش هيخليك احسن "
كم مرة وقفت قدام المرآيه وانت شايف إنك "مش كفاية" ؟
كم مرة سامحت غيرك على أخطائه... لكن رفضت تسامح نفسك على نفس الخطأ ؟
يمكن تكون نجحت في حاجات كتير، لكن كل اللي عينك بتشوفه هو الحاجة الوحيدة اللي معملتهاش.
بتلوم نفسك على كلمة قلتها من شهور... وعلى قرار أخدته من سنين... وبتعيد نفس المواقف في دماغك كل يوم، وكأنك بتحاكم نفسك بعقوبة عمرها ما بتنتهي.
و يظهر جلد الذات فى صور كتير زى :-
• لوم نفسك حتى على امور و حاجات خارج إرادتك.
• الخوف من الفشل لأنك لا تحتمل لوم نفسك بعده.
• الشعور أنك لا تستحق النجاح أو التقدير.
• مقارنة نفسك بالآخرين والشعور أنك دائمًا أقل منهم.
• التقليل من أي إنجاز او نجاح تحققه.
☆ الاعتراف بالخطأ مهم، لكن معاقبتك لنفسك ديما مش هتغيّر الماضي. التغيير الحقيقي بيبدأ عندما تتعامل مع نفسك بالرحمة، وتتعلم من أخطائك و تطورها بدلًا من أن تجعلها سبب فشل ليك .
#أحيانًا مش بتكون المشكلة في أخطائك...ولاكن في القسوة اللي بتعامل بها نفسك .
Yasmeen Khaled henedy
معالجه نفسىيه اكلينيكيه / متخصصة في الاضطرابات النفسية ، وعلاج الادمان ، و كرب مابعد الصدمه ، والضغوط النفسيه ، و الثق
📄 مقال٣٠ يوليو
الفقدان ليس ضعفًا... بل تجربة إنسانية مؤلمة .
ممكن نفقد شخصًا نحبه، أو علاقة، أو حلمًا كنا نتمسك به، فنشعر وكأن جزءًا من حياتنا قد اختفى.
الحزن بعد الفقدان ليس شيئًا يجب أن نخجل منه أو نتجاوزه بسرعة، بل هو استجابة طبيعية للعقل والقلب عشان يقدر يتكيف و يتعامل مع الواقع الجديد.
و ممكن يظهر الحزن فى اشكال كثيره : -
• بكاء متكرر أو شعور بالفراغ.
• صعوبة في النوم أو فقدان الشهية.
• فقدان الرغبة في ممارسة الأنشطة اليومية.
• الشعور بالوحدة حتى وسط الآخرين.
• صعوبة في التركيز أو اتخاذ القرارات.
• الاشتياق الشديد لمن أو لما فقدناه.
☆ ولاكن التعافي من الفقد لا يعني أن تنسى، بل أن تتعلم كيف تعيش مع الذكرى دون أن تسيطر على حياتك.
# كن لطيفًا مع نفسك..... فمن حق قلبك أن يتعافى♡
Yasmeen Khaled henedy
معالجه نفسىيه اكلينيكيه / متخصصة في الاضطرابات النفسية ، وعلاج الادمان ، و كرب مابعد الصدمه ، والضغوط النفسيه ، و الثق
